ტრენინგი “მოხალისეობის მენეჯმენტზე”

12-14 სექტემბერი, თბილისი

2011 წლის 12-14 სექტემბერს “ Eurasia Partnership Foundation”- ის მიერ ორგანიზებულ იქნატრენინგი “ მოხალისეობის მენეჯმენტი”, რომელიც მიზნად ისახავდა საქართველოში არსებული არასამთავრობო ორგანიზაციებისათვის (როგორც რეგიონებში მოქმედ ასევე დედაქალაქში არსებულ) ,,მოხალისეობის” შესახებ მეტი ინფორმაციის მიწოდებას, მოხალისეობის პროგრამების დანერგვას და შემდგომი ნაყოფიერი მუშაობისათვის სავალდებული ცოდნისა თუ საერთაშორისო პრაქტიკის გაზიარებას.

ტრენინგს უძღვებოდა ჩეხეთიდან მოწვეული ტრენერი - პეტრ ვოჟტეკი, რომელიც წარმოადგენდა ერთ-ერთ ჩეხურ არასამთავრობო ორგანიზაციას, უფრო კონკრეტულად მოხალისეობის ცენტრს, სახელწოდებით - “Okamzik”, რომელიც წელიწადში ასობით მოხალისეს იღებს და ასაქმებს.

ტრენინგში მონაწილეობის მისაღებად, შეირჩა 10 ორგანიზაციის თითო წარმომადგენელი. მათ შორის “ ახალგაზრდა ლიდერთა კლუბიდან” , ჩვენს ორგანიზაციას PR მენეჯერი, მარი ჯანანაშვილი წარმოადგენდა. იგი გეგმავს, რომ ამ სამი დღის განმავლობაში მიღებული გამოცდილება ,,ახალგაზრდა ლიდერთა კლუბში“ განახორციელოს, რაც ორგანიზაციის მუშაობას უფრო ეფექტურსა და შედეგიანს გახდის.