პირველად საქართველოში!!!...
20 მაისს - „სამსახურში ველოსიპედით მისვლის დღეს“ სტუდენტური ორგანიზაცია ახალგაზრდა ლიდერთა კლუბის თანაორგანიზებით თბილისში მოეწყო გრანდიოზული ღონისძიება, რომელიც მიზნად ისახავდა ეკოლოგიურად სუფთა ტრანსპორტის, ველოსიპედის, გამოყენების პოპულარიზაციას და თბილისში ველო-ბილიკების გაკეთების ხელშეწყობას.
ღონისძიება მოიცავდა ორ ძირითად ეტაპს: აქცია დაიწყო 20 მაისს საკრებულოს წინ, სადაც შეიკრიბნენ პროფესიონალი და მოყვარული ველოსიპედისტები, რის შემდეგაც მოეწყო მსვლელობა „მზიურის“ მიმართულებით. მსვლელობას შეუერთდა და უძღვებოდა გინესის რეკორდსმენი, ბატონი ჯუმბერ ლეჟავა.
ღონისძიება გაგრძელდა „მზიურში“, სადაც მოეწყო ფოტოგამოფენა და გაიმართა მუსიკალური კონცერტი ჯგუფი „ურსასა“ და თსუ-ს მომღერალ გოგონათა გუნდის მონაწილეობით. დამსწრეებს სიტყვით მიმართეს და ორგანიზატორებს მადლობა გადაუხადეს ბატონმა გოგა ხაჩიძემ და ჯუმბერ ლეჟავამ.
ღონისძიების სპონსორი-კომპანია "ბილაინი", მხარდამჭერი-გარემოსა და ბუნებრივი რესურსების დაცვის სამინისტრო.
