,,ახალგაზრდა ლიდერთა კლუბი’’ აგრძელებს ტრენინგების ციკლს ‘’სტაჟირების პროგრამა 2011’’-ის ფარგლებში. 27 მაისს ჩატარდა რიგით მეოთხე ტრენინგი ეკონომიკის შესახებ, რომელსაც უძღვებოდა გვანცა პირველი.

ტრენინგის მიზანი იყო მონაწილეები უკეთ გარკვეულიყვნენ თუ რას მოიცავს ეკონომიკა და რა ტრანსფორმაცია განიცადა ეკონომიკურმა წყობებმა. საქართველოს ბაზარზე არსებული კომპანიების მაგალითზე განხილულ იქნა  ზოგადად ბაზრის სტრუქტურა და საბაზრო კონკურენციის სახეები.

ტრენინგის მეორე ნახევარში ჩატარდა ბაზრის სიმულაცია, რაც დაეხმარა მონაწილეებს პრაქტიკული ,,გამოცდილებით’’ გაეგოთ ადამ სმიტის ,,უხილავი ხელის’’ არსი და როგორ მოქმედებს იგი ბაზარზე. სიმულაციაში გამოვლინდა სამი გამარჯვებული, რომლებიც თანამედროვე ელექტრონული წიგნებით დაჯილდოვდნენ.